Fotografen
Andreas A. Berge var fødd 2. mars i 1886 på garden Berge Nedre i Herøy kommune på Sunnmøre. Her voks han opp, starta fotoverksemda si, stifta familie og budde mest heile livet fram til han døyde 19. juni 1960. Det fyrste biletet han tok med eige kamera ser vi over: Av garden, dei to niesene Margit (tv.) og Nikoline (th.) og ei ukjent tenestejente (midt).
Sjølvportrett: Fotograf Andreas A. Berge.
“Eg hadde stort atelier; himmelen til tak og horisonten til veggar. Fyrste mørkerommet mitt var den gamle potetkjellaren.”
