Arbeidsfolk
Fotograf Andreas A. Berge sa ofte at når bønder og fiskarar ikkje kom til atelieret, måtte han oppsøke stadane der folk var samla. Ein god del av bileta hans er difor kvardagsbilete av fiskebåtar, arbeidsgrupper, foreiningar og andre daglege gjeremål.
I denne samanstillinga her finn du 9 bilete av arbeidsgrupper samla på forskjellige bedrifter i Herøy.
Til nokre bilete har det tidlegare vore gjort arbeid for å identifisere alle personane, men mange av arbeidarane er framleis ukjende.
Arbeidarar på Jakobsen-kaia. Årstal er uklart, men fleire kjem med framlegg om 1930 - 1932.
På huk framme sit Alfred Arnesen.
Kvinnene er frå venstre Sigfrid Bostad (Saure), Josefine Thunem Hestholm, Selma Stenersen, Fredrikke Huldal (Kvalsvik), Tommasine Stenersen (Huldal), Mary Arnesen (Hansen) og Nancy Huldal (Myklebust).
Av karane i bakre rekke er berre Henry Arnesen identifisert. Han står som nr. 2 frå høgre.
Ei velfortent pause for arbeidarar på tønnefabrikken til Voldnes i Fosnavåg, sommaren 1930.
Olav Støylen sit midt i bilete med Anders Coren Voldnes på fanget. Olav namngav dei fleste på bilete til ein artikkel Marit Pauline Kvalsvik hadde i Vestlandsnytt 29. mai 1998.
Frå venstre sit: Ivar K. Leikanger, Johannes Kvihaug, Rasmus Eide, Olav med Anders på fanget, Olai Måløy, Karl Koppen, Hans Eide og Alf Myklebust.
Ståande frå venstre: Konrad Myklebust, Olav Kleppe, Halvdan Halse, Sivert Myklebust, Håkon Støylen, Mathias Myklebust, ukjent, Einar Åmås, Gundersen (frå Kr. sund) og Tue (frå Vanylven).
Også dette bilete er frå tønnefabrikken til Voldnes i Fosnavåg. Tidspunkt for bilete ukjent og ingen av personane er identifisert.
Legg også merke til dei to små jentene som er på besøk på fabrikken.
Arbeidslag frå Smedvik mek. verksted. Bilete er ikkje datert, men diverse hjelparar har sagt at det truleg må vere tatt tidleg på 1930-talet. Dei same hjelparane har identifisert alle personare:
Frå venstre bak står : Asbjørn Thorseth, Rikhard Klungsøyr, Knut Rafteseth, Petter Rafteseth, Johannes Rafteseth, Reidar Klungsøyr, Ole Rafteseth, Alf Muren, Gudmund Rafteseth, Teodor Rødset, Petter Skoge, Alfred Myrvågnes og Nils Lervik.
Framme sit frå venstre: Harald Berntsen, Reidar Rafteseth, Jonas Rafteseth, Rasmus Klungsøyr, Gustav Rafteseth, Sivert Restad, Erling Storøy og Rasmus Lervik.
I 1915 vart Skotholmen tatt over av Olaf Evanger. Han sette opp nytt sjøpakkhus, butikkbygning og røykjeri.
I tida medan Olaf Evanger hadde si verksemd på Skotholmen, var det mange som hadde sitt daglege arbeid der. Særleg i dei periodane når det var sesong for fiskeriet, kunne aktiviteten bli høg. I delar av året var det difor eit yrande folkeliv på Skotholmen.
Bilete viser arbeidsstokken på Skotholmen, truleg tidleg på 1920-talet.
Dette bilete er tatt utanfor Storebuda til Gustav Evanger på Eggesbønes. Buda vart bygd i 1917.
Berre nokre få personar er identifisert. Den tredje frå venstre framme er August Gustavsen (Dahlstrøm), opprinneleg frå Vasa i Finland. Han gifta seg i Herøy i 1917.
Guten som står som nr 3 frå venstre er mest truleg Arnulf Berge, født 1910. Bilete er difor truleg frå rundt 1920.
Arbeidarar utanfor fabrikken til Gustav Evanger på Mjølstadneset. Fabrikken vart bygd i 1926, og var framleis kvitmalt (ubehandla) i april 1927 (informasjon frå datert bilete). Dette bilete er difor truleg frå etter sommaren 1927.
Ingen av personane er så langt identifisert.
Dette bilete er også av arbeidarer på Jakobsen-kaia omlag 1925.
Nokre få personar er (kanskje) identifisert.
Frå venstre står Karoline Djupvik (?), Karen Marie Notøy (Eilert-Maja), Anna Sofie (Klungsøyr) Skåthun, Karoline Johnsen (?), Ola Hestholm (eller Edvard Hole?), Alfred Arnesen (bak), Marta (eller Julia) Raanes, Johanne Thunem og Alf Djupvik (bak?).
Resten av personane er ikkje identifisert, og informasjon vert mottatt med glede.
Arbeidere utanfor Vikenebuda. I midten står Olav Thorset. Han var føst tilsett i verksemda til Erik Svendsen, men dreiv frå 1925 sjølv med røykeri og sildesalting i Fosnavågen. I 1938 vart han kontorsjef i Gerh. Voldnes AS.
Bilete er ikkje datert, men truleg frå omlag 1930.